Тэхнічную няспраўнасць на станцыі Смалявічы ліквідоўвалі больш за 6 гадзін
Раніцай 21 верасня ў Смалявічах былі вялізныя чэргі да маршрутак / smolevichi-24.by
Тэхнічную няспраўнасць на станцыі Смалявічы ліквідоўвалі больш за 6 гадзін. У выніку пасажырскія цягнікі на ўчастку Барысаў — Мінск курсіравалі са спазненнем (да паўтары гадзіны). Аднак, як паведамляе Беларуская чыгунка, праблема была вырашана ў 12:29.
Усё пачалося каля 6-й гадзіны раніцы, калі на станцыі Смалявічы была выяўлена "няспраўнасць кантактнай сеткі". Як піша smolevichi-24.by, "адбыўся парыў кантактнага провада".
Праз спазненне электрычак жыхары Смалявічаў спрабавалі дабрацца да працы на маршрутках. Яны былі перапоўненыя.
