У Беларусь прыйдзе "цыклон-монстр", чакаецца першы снег

Атлантычны цыклон "Н" прыйдзе ў Беларусь у першыя дні лістапада. Ён прыкметна паўплывае на надвор'е: тэмпература паветра панізіцца да нулявых адзнак, таксама можа выпасці першы снег.

Кліматычны канал @nadvorie называе яго "цыклон-монстр". Акрамя халадоў, "Н" абяцае прынесці ў Беларусь і моцныя парывы ветру.

"Праз Беларусь пройдуць яго халодныя франты, і мы апынёмся ў яго тылавой халоднай частцы. Таму на наступныя выходныя магчымы пры тэмпературы каля нуля снег і моцны вецер з парывамі да 20 м/с", — апісвае метэаралагічныя разлікі канал.

Пакуль што гэта толькі адна мадэль, і, як адзначае спецыяліст, "панікаваць рана".

Беларус распавядае пра надвор'е так, што яго сацыяльныя сеткі чытаюць тысячы чалавек.