У Беларусі знайшлі новы від старажытных бактэрый
Расіяне сцвярджаюць, што знаходка мае важнае навуковае значэнне / Ілюстрацыйнае фота pixabay.com
У Беларусі знайшлі новы від старажытных бактэрый. Дагэтуль мікраарганізм Tubula tortusa быў невядомы, паведамляе ТАСС.
Tubula tortusa знайшлі ўнутры свідравіны Паўночна-Полацкая на глыбіні 479-340 метраў. Яна існуе з 2019 года і выкарыстоўваецца для вывучэння гісторыі Усходне-Еўрапейскай платформы. Арганізмы Tubula tortusa ўяўляюць сабой полую трубку, вакол якой па спіралі навіта "тонкае цыліндрычнае ўтварэнне". У далейшым гэтая структура набыла форму, блізкую да стужкі.
Пра адкрыццё новага месцазнаходжання старажытных мікраарганізмаў, якія жылі ў марскім басейне на тэрыторыі сучаснай Беларусі 539-529 млн гадоў таму, заявілі не беларускія, а расійскія навукоўцы. Яны сцвярджаюць, што знаходка мае важнае навуковае значэнне. З яго дапамогай можна больш дакладна прасачыць эвалюцыю жывых арганізмаў на ранніх этапах фармавання біясферы Зямлі.
