У Брэсце сотні байкераў паўдзельнічалі ў адкрыцці мотасезону (фота)
У Брэсце сотні байкераў паўдзельнічалі ў адкрыцці мотасезону. У гэтым годзе мерапрыемства прайшло ў рамках прафілактычнай акцыі “Мотарух — без парушэнняў!”, якое арганізавала Дзяржаўтаінспекцыя сумесна з мотаклубам “Залатое крыло”.
2 красавіка байкеры традыцыйна сабраліся на пляцоўцы каля Лядовага палаца. Пасля афіцыйнай часткі яны рушылі арганізаванай калонай па цэнтральных вуліцах горада.
Фінішавала калона каля Свята-Мікалаеўскага гарнізоннага сабора ў Брэсцкай крэпасці.
Сёлета ў адкрыцці мотасезону прынялі ўдзел каля 500 байкераў.
