У чацвер у Беларусі прагназуюць галалёдзіцу і парывісты вецер

У чацвер, 1 лютага, у Беларусі чакаецца воблачнае з праясненнямі надвор'е, паведамляе Белгідрамет.

Уначы пераважна па поўначы краіны пройдуць невялікія ападкі — пераважна дождж. Удзень на большай частцы тэрыторыі прагназуюцца кароткачасовыя ападкі — снег, мокры снег, дождж. Месцамі будзе слабы галалёд, на дарогах — галалёдзіца. Вецер прагназуецца паўднёва-заходні ўмераны да парывістага, удзень у асобных раёнах — моцны парывісты, да 15-18 метраў за секунду. Сіноптыкі ў сувязі з гэтым абвясцілі жоўты ўзровень небяспекі.

Тэрмометры ўначы пакажуць ад 3 марозу  да 2 цяпла, удзень чакаецца 0...+5.