У чацвер у Беларусі захаваецца галалёдзіца

У чацвер, 15 лютага, у Беларусі чакаецца воблачнае з праясненнямі надвор'е, паведамляе Белгідрамет.

Будзе пераважна без ападкаў, толькі ўначы па ўсходзе краіны пройдуць ападкі ў выгляддзе снегу, мокрага снегу і дажджу. А ўдзень месцамі па захадзе чакаюцца невялікія дажджы. Уначы і зранку — месцамі слабыя туман і галалёд, на асобных участках дарог галалёдзіца. Вецер будзе няўстойлівы слабы.

Уначы тэрмометры пакажуць 0...-5, па поўдні і захадзе Беларусі будзе да +2. Удзень чакаецца ад 2 марозу па паўночным усходзе да 6 цяпла па паўднёвым захадзе.