У Дзень роднай мовы выйшла аўдыякніга пра дыскрымінацыю беларускай мовы

21 лютага ў свеце адзначаецца Дзень роднай мовы. Менавіта да гэтага дня каманды сайтаў "Кніжны воз" і audiobooks.by падрыхтавалі аўдыяварыянт кнігі Аліны Нагорнай "Мова 404".

Кніга прысвечаня дыскрымінацыі беларускай мовы ў Беларусі. Паводле Канстытуцыі гэта дзяржаўная мова, але — толькі на паперы.

У аўдыякнізе сабраныя гісторыі беларусаў, якія сутыкнуліся з моўнай дыскрымінацыяй у розных сферах. Агучваюць іх таксама не прафесійныя акторы, а звычайныя беларусы і беларускі. У аўдыякнізе 127 гісторый і 101 голас.

У друкаваным варыянце кніга выйшла два гады таму. Аўтарка кнігі Аліна Нагорная была госцяй студыі Еўрарадыё.