У дзіцячым летніку на Стаўбцоўшчыне загінуў 11-гадовы хлопчык
Цела падлетка знайшлі пару дзён таму ў пятлі на дрэве ў лесе.
Як паведамляе БелаПАН, на месцы здарэння працуе следча-аператыўная група, яна высвятляе акалічнасці падзеяў. Апытваюцца сваякі, настаўнікі і знаёмыя загінулага. Праводзіцца праца з яго школьнымі аднагодкамі.
Паводле атрыманых звестак, падлетак не меў праблем і канфліктаў сярод аднагодкаў, а таксама аднакласнікаў. Раней спробаў суіцыду не ўчыняў.
Хлопчык прыехаў у лагер для аздараўлення. Ён пражываў у прыёмнай сям'і. Біялагічныя бацькі пазбаўленыя бацькоўскіх правоў са снежня 2011 года. Па звестках следства, падлетак сумаваў па сваёй біялагічнай маці і адчуваў віну перад ёй.
Дакладныя матывы і прычыны трагедыі высвятляюцца.
Фота — timeszp.com
