У ЕС адрэагавалі на чарговы смяротны прысуд у Беларусі
Беларусь — адзіная краіна ў Еўропе, у якой існуе смяротнае пакаранне / sb.by
У ЕС адрэагавалі на чарговы смяротны прысуд у Беларусі. 19 кастрычніка за забойства трохгадовага сына 48-гадовы Аляксандр Таратута асуджаны на смяротнае пакаранне, а 37-гадовая маці хлопчыка Анастасія Таратута атрымала 25 гадоў калоніі строгага рэжыму.
Афіцыйны прадстаўнік ЕС па замежнапалітычных пытаннях Петэр Стана паведаміў, што Еўрапейскі Саюз "выказвае сваё шчырае спачуванне блізкім ахвяры і ўсім тым, хто пацярпеў у выніку гэтага сумнага і жорсткага злачынства". Пры гэтым у чарговы раз заклікаюць РБ "увесці мараторый на прымяненне смяротнага пакарання ў якасці першага кроку да яе поўнай адмены ў адпаведнасці з агульнасусветнымі тэндэнцыямі".
Беларусь — адзіная краіна ў Еўропе, у якой існуе смяротнае пакаранне.
We must abolish the death penalty forever in our country. Belarus remains the only European nation still using the death penalty. I firmly believe the state must honor & uphold the inherent right to life as our greatest value. https://t.co/HGqvKYVyAk
— Sviatlana Tsikhanouskaya (@Tsihanouskaya) October 20, 2023
