У Германіі прысуд Сяргею Ціханоўскаму назвалі скандальным
У Германіі прысуд у Беларусі Сяргею Ціханоўскаму і іншым палітвязням назвалі скандальным, піша dw.com. Міністр замежных спраў гэтай краіны Аналена Бербак запатрабавала неадкладнага і безумоўнага вызвалення ўсіх беларускіх палітвязняў.
14 снежня ў Гомелі Сяргей Ціханоўскі быў асуджаны на 18 гадоў узмоцненага рэжыму, Уладзімір Цыгановіч і Ігар Лосік атрымалі па 15 гадоў узмоцненага рэжыму, Арцём Сакаў і Дзмітрый Папоў — па 16 гадоў, Мікалай Статкевіч асуджаны на 14 гадоў асаблівага рэжыму. Усе яны прызнаныя палітзняволенымі.
