У Гродне падчас перавозкі “згубілі” экскаватар (фота)

У Гродне падчас перавозкі “згубілі” гусенічны экскаватар. Здарэнне адбылося раніцай 18 красавіка. Як піша сайт s13.ru, на скрыжаванні праспектаў Купалы і Кляцкова на павароце экскаватар зваліўся з трала на праезную частку і часткова на тратуар. На шчасце, падчас здарэння ніхто з людзей не пацярпеў.

ДАІ праводзіць праверку. Кіроўца патлумачыў здарэнне нахілам дарогі і тым, што экскаватар стаяў няроўна.