У Камянецкім раёне хлопчык пасля катання на тарзанцы трапіў у рэанімацыю
У Камянецкім раёне Брэсцкай вобласці 11-гадовы хлопчык пасля катання на тарзанцы трапіў у рэанімацыю. Здарэнне адбылося 7 ліпеня. Як распавяла ў эфіры “Альфа-радыё” афіцыйная прадстаўніца Следчага камітэта Юлія Ганчарова, хлопчык моцна разгойдаўся на арэлях і ў нейкі момант стаў з іх саслізгваць, схапіўся рукамі за драты і атрымаў удар электрычным токам. Дзіця адвезлі ў раённую бальніцу ў Камянец. Па гэтым факце праваахоўнікі праводзяць праверку, інфармуе БЕЛТА.
