У канцы тыдня ў Беларусі магчымы мокры снег
У чаканні зімы / pixabay.com
У канцы тыдня ў Беларусі магчымы мокры снег. Паводле прагнозу сіноптыкаў, яго трэба чакаць на паўночным усходзе нашай краіны ў нядзелю.
Уначы і раніцай у пятніцу, 6 кастрычніка, амаль па ўсёй Беларусі чакаецца ўзмацненне заходняга і паўночна-заходняга ветру (удзень толькі на ўсходзе і ў Мінску). Яго парывы будуць дасягаць 15-20 м/с. У начныя гадзіны на большай частцы тэрыторыі краіны, а ў дзённыя гадзіны месцамі пройдуць кароткачасовыя дажджы.
Тэмпература паветра ўначы складзе ад +3 да +9 градусаў (у Мінску — ад +6 да +8), удзень — ад +9 да +15 (у сталіцы — 11-13 цяпла, на Брэстчыне — да +17).
У суботу магчымыя дажджы, а на поўначы — моцныя дажджы. Сіноптыкі папярэджваюць пра моцны вецер — месцамі да 24 м/с.
