У Маларыцкім раёне памежнікі толькі стральбой змаглі спыніць п'янага кіроўцу
У Маларыцкім раёне памежнікі толькі стральбой змаглі спыніць п'янага кіроўцу на Audi. Здарэнне адбылося ўначы 24 сакавіка. Легкавік рухаўся ў памежнай зоне. Кіроўца праігнараваў патрабаванні памежнікаў аб спыненні. Больш таго, ён паспрабаваў збіць вайскоўцаў і ўцячы. Каб спыніць зламысніка, памежнікі адкрылі агонь з табельнай зброі, інфармуе прэс-служба Дзяржаўнага памежнага камітэта.
Калі мужчыну затрымалі, высветлілася, што ён знаходзіўся ў стане алкагольнага ап'янення. За непадпарадкаванне патрабаванню памежнага нараду падчас выканання службовых абавязкаў, кіроўцу пагражае штраф у памеры ад 2 да 50 базавых (ад 420 тысяч да 10,5 млн рублёў), альбо адміністрацыйны арышт. Але на гэтым праблемы для яго не скончацца. Далейшым разбіральніцтвам зоймецца Маларыцкі РАУС, куды перадалі затрыманага.