У Мінску наладзілі спаборніцтвы сярод майстроў "ямачнага рамонту"
Паказальны "ямачны рамонт" / minsknews.by
У Мінску наладзілі спаборніцтвы сярод майстроў "ямачнага рамонту". Для атрымання выдатных вынікаў патрэбна была не толькі якасць работ, але і хуткасць — прысутнічаў суддзя з секундамерам.
Як піша minsknews.by, 30 траўня ў "Гаррамаўтадары" прайшоў конкурс прафесійнага майстэрства "Мінскі майстар-2024" сярод работнікаў дарожных службаў сталіцы. Сярод яго ўдзельнікаў былі і асфальтабетоншчыкі. Сярод іх перамог Павел Мысін з "Рэмаўтадара Першамайскага раёна".
За спаборніцтвамі назіраў намеснік старшыні Мінгарвыканкама Алег Корзун. Ён прапанаваў "перанесці [конкурс] на гарадскія пляцоўкі, каб бачылі гараджане".
