У Мінску ў смеццеправодзе студэнцкага інтэрната знайшлі труп немаўляці
Праваахоўнікі шукаюць яго маці.
У Мінску раніцай 5 чэрвеня ў смеццеправодзе аднаго з студэнцкіх інтэрнатаў знайшлі труп немаўляці. Дзе дакладна гэта адбылося, не паведамляецца.
Паводле папярэдняй інфармацыі, дзіця нарадзілася жывым. На месцы працавала следча-аператыўная група. Праваахоўнікі высвятляюць асобу маці дзіцяці, інфармуе БЕЛТА са спасылкай на Юлію Ганчарову, афіцыйную прадстаўніцу Следчага камітэта.
Нагадаем, днямі ў Полацку ў кантэйнеры для смецця знайшлі мёртвае немаўля.
Здымак з архіву.
