У ноч з 15 на 16 чэрвеня па Мінску праедзе механізаваная калона
gdetut.by
У ноч з 15 на 16 чэрвеня ў Мінску пройдзе трэніроўка механізаванай калоны. Як паведамляюць у "Мінсктрансе", з 21:50 да 00:30 будзе паэтапна абмежаваны рух усіх відаў транспарту. Падчас шыхтавання і пачатку руху калоны з 21:50 да 23:00 будзе перакрыты рух па праспекце Машэрава (ад праспекта Пераможцаў да вуліцы Куйбышава). У сувязі з гэтым змяняецца расклад руху гарадскіх аўтобусаў, піша БЕЛТА.
Так, аўтобусы №29, 44, 136 будуць ездзіць па вуліцах Куйбышава, Янкі Купалы, Багдановіча, Няміга, праспекце Пераможцаў у абодвух напрамках з прыпынкамі "Станцыя метро Няміга" і "Гасцініца Юбілейная". Аўтобусы №18, 26 будуць рухацца па вуліцах Кісялёва, Куйбышава, Веры Харужай, Чарвякова ў абодвух напрамках з усімі прыпынкамі на гэтым участку.
У перыяд, калі калона паедзе па маршруце, з 23:00 да 00:30, прадугледжаны часовы прыпынак пасажырскага транспарту на некалькіх участках: праспект Машэрава (ад вуліцы Куйбышава да вуліцы Ціміразева); вуліца Ціміразева (ад праспекта Машэрава да вуліцы Сапёраў); вуліца Сапёраў на ўсёй даўжыні; праспект Пераможцаў (ад вуліцы Сапёраў да транспартнай развязкі з вуліцай Арлоўскай).
