У Нёмане танулі дзве школьніцы, выратавалі толькі адну
У Нёмане патанула 13-гадовая школьніца. Здарэнне адбылося ў Бярозаўцы на Гродзеншчыне. Двух дзяўчынак падчас купання падхапіла моцная плынь ракі. Яны пачалі крычаць. Відавочца здарэння кінуўся ў ваду і змог выратаваць адну з дзяўчынак, ёй таксама 13 гадоў.
БЕЛТА адзначае, што месца, дзе падлеткі купаліся, не было для яго прыстасавана.
