У Onliner.by будзе новы галоўны рэдактар
Мікалай Казловіч / Facebook
У Onliner.by будзе новы галоўны рэдактар. Мікалай Казловіч адпрацаваў у кампаніі дзесяць гадоў, шэсць з іх на пасадзе рэдактара. Прычыны расстання з выданне ён не патлумачыў. "Дзякуй за магчымасць займацца любімай справай 10 гадоў. Гэта мая гісторыя заканчваецца. Сыходжу ў афлайн на перазагрузку", — напісаў Казловіч у twitter.
@OnlinerBY - ты космос! Спасибо за возможность заниматься любимым делом 10 лет. Эта моя история заканчивается. Ухожу в офлайн на перезагрузку. А дальше - посмотрим. Рад, что оставляю руль Коле Градюшко. Все будет хорошо
— NickKozlovich (@NickKozlovich) August 31, 2021
Мікалай Казловіч прыйшоў у Onliner з дзяржаўнай газеты "СБ. Беларусь сегодня". Спачатку ён быў журналістам у аддзеле "Нерухомасць", пазней — у раздзеле "Людзі". У 2015 годзе пасля звальнення папярэдняга рэдактара Дзяніса Блішча — стаў галоўным рэдактарам.
Выконваючым абавязкі галоўнага рэдактара стане Мікалай Градзюшка, да гэтага выпускаючы рэдактар Onliner.
