У Полацку Качанава сядзела пад чырвона-зялёным сцягам і іконай Хрыста
5 ліпеня ў Полацку прайшло выязное пашыранае пасяджэнне прэзідыума Савета Рэспублікі. Абмяркоўвалася "грамадска-дзяржаўнае партнёрства ў вырашэнні праблем п'янства і алкагалізму", паведамляе прэс-служба Міністэрства аховы здароўя.
Прысутнічалі не толькі сенатары, мясцовыя кіраўнікі, чыноўнікі, але і праваслаўныя святары, у тым ліку і з Расіі, падкрэсліла старшыня Савета Рэспублікі Наталля Качанава. Побач з ёй сядзеў кіраўнік БПЦ мітрапаліт Веніямін, а за імі — ікона Хрыста і чырвона-зялёны дзяржаўны сцяг РБ.
sovrep.gov.by
