У Полацку па дамах ходзяць несапраўдныя работнікі "Энергазбыту"
У Полацку па дамах ходзяць несапраўдныя работнікі "Энергазбыту". Пра гэта паведамляе Полацкае аддзяленне філіі "Энергазбыт" прадпрыемства "Віцебскэнерга". Адзначаецца, што мэта, з якой махляры гэта робяць, пакуль невядомая.
Гараджан інфармуюць, што сапраўдныя супрацоўнікі "Энергазбыту" працуюць у спецыяльным адзенні, маюць службовыя пасведчанні "ў форме бэйджу, які размешчаны на верхнім адзенні і лёгкадаступны для агляду". Калі ж у асобаў, якія прыходзяць у кватэры, такіх пасведчанняў няма, іх просяць не ўпускаць у памяшканне для агляду прыбора ўліку, а пра такія выпадкі інфармаваць "Энергазбыт" і мясцовую міліцыю.
