У пятніцу ў Беларусі будзе да +34
12 чэрвеня ў Беларусі будзе пераменная воблачнасць, паведамляе Белгідрамет.
Уначы месцамі, а ўдзень на большай частцы тэрыторыі пройдуць кароткачасовыя дажджы, у асобных раёнах — з навальніцамі. Уначы і зранку месцамі могуць згушчацца непрацяглыя туманы.
Вецер будзе ўсходні, паўночна-ўсходні ўмераны, пры навальніцах — парывісты.
Уначы прагназуецца 15-21 са знакам "плюс". Удзень пацяпляее да +28...+34, па поўначы будзе 24-27 вышэй за нуль.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
