У пятніцу ў Беларусі чакаецца мокры снег і дождж
А ўвогуле сіноптыкі кажуць, што апошнія лютаўскія дні надвор'е больш адпавядае пачатку красавіка.
У пятніцу, 27 лютага, Беларусь апынецца пад уплывам атмасфернага фронту, які ідзе з поўдня Еўропы. У многіх раёнах пройдуць мокры снег і дождж, перадае БЕЛТА. Уначы і зранку месцамі чакаецца туман, слабы галалёд, на асобных участках дарог галалёдзіца.
Тэмпература паветра ўначы будзе ад -3 да +3, удзень — ад 1 да 7 градусаў цяпла.
Фота — ru.tsn.ua
