У раёне ўкраінскага Янакіева зніклі два беларусы

Браты маюць від на жыхарства і прапіску ў Краматорску. Некалі, яшчэ ў часы Савецкага Саюзу, у Краматорск размеркавалі іх бацьку, які там і застаўся. Але і 49-гадовы Аляксандр, і 28-гадовы Эдуард — грамадзяне Беларусі, адзначае Радыё Свабода.

7 верасня яны на аўтамабілі "Шкода" выехалі з Данецку ў Славянск праз Краснаармейск, але іх завярнулі назад. А 18-й гадзіне яны апошні раз выходзілі на сувязь, як распавяла жонка Аляксандра Хадзько Юлія. Па яе словах, браты сказалі, што трапілі пад абстрэл. 

Юлія шукала сваіх блізкіх з дапамогай міліцыі і сілавікоў, але цяпер робіць гэта самастойна. Яна абзваніла шпіталі, моргі ўсіх гарадоў паблізу. Вынікаў няма. У пятніцу жанчына звярнулася па дапамогу ў амбасаду Беларусі. 

Фота — svaboda.org