У Рыа ламалі замок ад уваходу на алімпійскі стадыён — згубілі ключ (відэа)

У Рыа-дэ-Жанейра невядомым чынам згубілі ключ ад аднаго з двух уваходаў на алімпійскі стадыён Энжэньян. Фанатам, якія хацелі трапіць на спартовы аб’ект праз усходнюю браму, давялося чакаць дзве гадзіны ў чарзе. Пасля гэтага іх накіравалі да іншага ўвахода.

Сведкай інцыдэнту стала журналістка ВВС Джулія Карнэйра, якая распавяла пра здарэнне ў сваім Твітары.

Паводле яе словаў, пазней ля ўсходняй брамы з’явіліся мужчыны з балтарэзам. Яны разрубілі замок і вызвалілі ўваход.