У суботу ў Беларусі будзе да +31, па захадзе краіны — дажджы і навальніцы
Субота ў Беларусі будзе гарачай / Еўрарадыё
У суботу, 17 чэрвеня, у Беларусі прагназуецца воблачнае з праясненнямі надвор'е, паведамляе Белгідрамет.
Пераважна па заходняй частцы краіны чакаюцца дажджы і навальніцы, месцамі пройдуць моцныя залевы. Вецер будзе ўсходні, паўднёва-ўсходні ўмераны, пры навальніцах — парывісты.
Уначы тэрмометры пакажуць 11-17 вышэй за нуль. Удзень тэмпература паветра дасягне 26-31 цяпла, па захадзе Беларусі чакаецца +20...+25.
Сіноптыкі абвясцілі на суботу аранжавы ўзровень небяспекі.
vk.com/belgidromet
