У "ваенна-патрыятычныя клубы" МУС запісалі 5 тысяч хлопчыкаў і дзяўчынак
Удзельнікі ваенна-патрыятычнага клуба ў Бабруйску / t.me/pressmvd/
У "ваенна-патрыятычныя клубы" МУС па ўсёй Беларусі запісалі 5 тысяч хлопчыкаў і дзяўчынак. Пра гэта паведаміў міністр унутраных справаў Іван Кубракоў. Ён спадзяецца, што яны забяспечаць міліцыю кадрамі.
У РБ дзейнічае 135 "ваенна-патрыятычных клубаў", створаных пры ўдзеле МУС. Кубракоў нагадаў, што падобныя клубы ствараюць і іншыя сілавыя структуры.
У апошнія гады сетка падобных клубаў разбудоўваецца рэжымам Аляксандра Лукашэнкі па ўсёй Беларусі. Іх выкарыстоўваюць не толькі для падрыхтоўкі кадраў для сілавых структур, але і для ідэалагічнай апрацоўкі моладзі, якая ў 2020-м падтрымала пратэсты. Да беларускіх дзяцей прывозілі не толькі прапагандыстаў, але і расійскіх наймітаў-вагнераўцаў.
