У Вільні беларусы пратэставалі супраць супрацоўніцтва IKEA з уладамі Беларусі
У Вільні беларусы пратэставалі супраць супрацоўніцтва IKEA з уладамі Беларусі. Яны правялі пікет каля крамы кампаніі. Яго ўдзельнікі трымалі бел-чырвона-белыя беларускія і літоўскі сцягі, лістоўкі са здымкамі загінулых пратэстоўцаў і палітвязняў у Беларусі.
Падчас мерапрыемства да пратэстоўцаў выйшла менеджарка і вынесла ім гарбату. У халоднае надвор'е яна сапраўды ім была патрэбна.
Падобныя акцыі беларусы праводзяць і ў іншых краінах свету. Яны заклікаюць IKEA адмовіцца ад супрацоўніцтва з "рэжымам Лукашэнкі".
Беларусы праводзяць пікет каля IKEA у Вільні / Еўрарадыё
