У якім выпадку Пуцін можа абвясціць ядзерную вайну? Адказвае гісторык

— Калі паглядзець на ваенную эканоміку, якую выбудавалі ў Расіі, відаць, што яна сама сябе вядзе да таго, каб весці сусветную вайну. Калі ты ўжо выбудаваў такую ваеную эканоміку, дык навошта ты гэта зрабіў? Якая мэта?

У іншых выпадках, калі мы возьмем гісторыю з анексіяй Херсонскай, Запарожскай, Данецкай альбо Луганскай абласцей — Расія яшчэ не захапіла іх, а ўжо анексавала. Гэта значыць, што пры любых мірных перамовах яна ўжо проста не можа дазволіць сабе “замарозіць” вайну, бо… яшчэ не захапіла тое, што ўжо анексавала.   

Давайце проста ўявім: вайну “замарозілі” па сёняшняй лініі фронту — гэта значыць, і Херсон, і Запарожжа знаходзяцца на ўкраінскім баку і застаюцца часткай Украіны. Атрымліваецца, Расія мусіць прызнаць, што частка РФ (тое, што яны прапісалі ў сваёй канстытуцыі) захопленая Украінай і больш не кантралюецца Расіяй?