У Жабінкаўскім раёне зафіксаваны першы выпадак захворвання на адзёр
Першы выпадак захворвання на адзёр зафіксавалі пад Жабінкай, ілюстрацыйнае фота / pixabay.com
У студзені ў Жабінкаўскім раёне зарэгістраваны выпадак захворвання на адзёр, паведамляе мясцовы праўладны тг-канал.
Па звестках, якія Мінздароўя паведамляла ў сярэдзіне снежня 2023-га, у краіне было зарэгістравана 160 выпадкаў захворвання. Хварэлі пераважна жыхары Мінска і Мінскай вобласці, а таксама Брэсцкай і Гомельскай абласцей.
Уздым захворвання на адзёр сталі фіксаваць з лістапада 2023-га. У Мінздароўя сцвярджалі, што хварэюць пераважна тыя, хто не атрымаў адпаведную прышчэпку. Паведамлялася таксама пра перабоі з вакцынай.
