Украінская апазіцыя імкнецца блакаваць Кабінет міністраў
Прыкладна паўтысячы мітынгоўцаў скандуюць пад Кабмінам у чацвер раніцай.
Як паведамляе УНІАН, каля 8-й гадзіны раніцы (паводле кіеўскага часу) бліз будынка ўрада пачаўся мітынг. Туды прыйшла калона актывістаў з Майдана Незалежнасці.
У планах пратэстоўцаў — блакаваць будынак Кабінета міністраў на працягу дня з боку вуліцы Лютэранскай. Там усю ноч дзяжурылі беркутаўцы, пад'езды да найбліжэйшых дамоў заблакаваныя грузавікамі і аўтобусамі.
Акрамя таго, удзельнікі Еўрамайдана хацелі блакаваць будынак Адміністрацыі прэзідэнта з боку Банкавай. Але шлях ім перакрылі каля 50 байцоў унутраных войскаў МУС.
