Украінскі браканьер абстраляў беларускіх памежнікаў
Інцыдэнт адбыўся 13 снежня каля 14 гадзін у Столінскім раёне на ўчастку Пінскага памежнага атрада.
Як інфармуе БелаПАН, падчас абыходу мяжы нарад выявіў сляды парушальніка, якія вялі ўглыб беларускай тэрыторыі, а крыху пазней — і двух парушальнікаў. Пры спробе затрымання адзін з невядомых мужчын адкрыў агонь па памежніках з паляўнічай стрэльбы. Пасля гэтага памежнікі былі вымушаныя таксама ўжыць зброю.
У выніку здарэння ніхто не пацярпеў. Стралка затрымалі, яго спадарожніка шукаюць. Затрыманы кажа, што з'яўляецца грамадзянінам Украіны і прыйшоў у Беларусь, каб паляваць на дзіка. На мужчыну пачнуць крымінальную справу.
Фота — ctv.by