Украінскі кантрабандыст вёз 160 бутэлек гарэлкі на матацыкле (фота)
Мужчына спрабаваў перавезці тавар у Брэсцкую вобласць Беларусі, аднак яго выдаў шумны транспарт.
Як паведамляе сайт tomin.by, памежнікі Ратнаўскага раёну Украіны пачулі матацыклетны трэск каля другой гадзіны ночы. Пры дапамозе цеплавізару яны адразу выявілі парушальніка ў цемры.
Мужчыну затрымалі, калі той пераносіў праз мяжу торбы. У іх, як высветлілася, знаходзіліся 160 бутэлек гарэлкі, а таксама 45 найменняў жаночай вопраткі.
За спробу незаконнага перасячэння дзяржаўнай мяжы 44-гадовы мясцовы жыхар атрымаў штраф у памеры 1700 грыўняў. Тавар разам з матацыклам быў канфіскаваны.