Украінскія СМІ: Януковіч пакінуў Кіеў
Прэзідэнт Украіны нібыта вылецеў у Харкаў.
Пра гэта паведамляе zn.ua са спасылкай на крыніцу ў Дзяржаўным дэпартаменце ЗША. Паводле неназванай крыніцы, такую інфармацыю перадаў кіраўнік украінскага МЗС Леанід Кажара. У Харкаве Януковіч нібыта прыме ўдзел “у нейкай сустрэчы”.
22 лютага ў Харкаве пройдзе З’езд дэпутатаў усіх узроўняў Паўднёва-ўсходніх абласцей, Севастопаля і Крыма.
Тым часам ў аэрапорце Харкава не пацвярджаюць інфармацыю пра тое, што да іх прыляцеў самалёт Віктара Януковіча. Прэзідэнцкі борт не прызямляўся ў Харкаве, паведамілі ИТАР-ТАСС у аэрапорце.
