Уладзімір Пуцін адводзіць частку войскаў ад мяжы з Украінай
Пра гэта кіраўнік Расіі паведаміў у тэлефоннай размове з канцлерам Нямеччыны Ангелай Меркель.
Заяву Пуціна перадае ВВС са спасылкай на прэс-сакратара кіраўніцы нямецкага ўрада.
Паводле паведамлення прэс-службы Крамля, Пуцін абмеркаваў з Меркель магчымасці міжнароднага спрыяння таму, каб аднавіць стабільнасць ва Украіне і зноў узняў праблему Прыднястроўя. Расійскі кіраўнік гаварыў, што ў Прыднястроўі неабходна прыняць эфектыўныя меры, накіраваныя на зняцце фактычнай знешняй блакады гэтага рэгіёна, і знайсці справядлівае і ўсёабдымнае рашэнне прыднястроўскай праблемы.
Дарэчы, сітуацыю з непрызнанай рэспублікай Прыднястроўе Пуцін абмяркоўваў і ў пятніцу ў размове з прэзідэнтам ЗША Баракам Абамам.
Фота — ntv.ru
