Усэйн Болт стаў самым хуткім чалавекам не толькі на зямлі, але і ў космасе
Усэйн Болт стаў самым хуткім чалавекам не толькі на зямлі, але і ў космасе. Ён выйграў забег у бязважкасці. Спаборніцтва праходзіла ў мадыфікаваным самалёце Airbus Zero-G, які выкарыстоўваецца для навуковых даследаванняў. Падчас палёту на ім была ўтворана бязважкасць. Спартсмен спаборнічаў з двума астранаўтамі.
Болт — славуты спартсмен з Ямайкі, васьміразовы алімпійскі чэмпіён і 11-разовы чэмпіён свету. Яму 32 гады. Сваю прафесійную спартыўную кар'еру скончыў у 2017 годзе.
