"Узрушаны" — кіраўнік МЗС Літвы пра смерць Рамана Бандарэнкі
Людзі сабраліся на "Плошчы перамен" пасля з'яўлення інфармацыі пра смерць Рамана Бандарэнкі / Еврорадио
Міністр замежных спраў Літвы Лінас Лінкявічус адрэагаваў на інфармацыю пра смерць Рамана Бандарэнкі. Ён напісаў на сваёй старонцы ў Twitter, што ўзрушаны і выказаў спачуванні сям'і і сябрам загінулага хлопца.
"Раману быў усяго 31 год. Дзіўны цынізм, жорсткасць рэжыму і грубае ігнараванне памкненняў людзей да пераменаў", — напісаў Лінкявічус.
Shocked by the death of Raman Bandarenka. My deepest condolences to his family and friends. Raman was only 31 years old. Astonishing cynicism, cruelty of the regime and blunt ignorance of people’s aspirations for changes. pic.twitter.com/9MrMOobxZ9
— Linas Linkevicius (@LinkeviciusL) November 12, 2020
Пра смерць Рамана Бандарэнкі стала вядома ўвечары 12 лістапада. 11 лістапада яго затрымалі ў двары на "Плошчы перамен". Ён выйшаў у двор разам з суседзямі, каб пагутарыць з невядомымі людзьмі, якія прыехалі зрэзаць бел-чырвона-белыя стужачкі. Завязалася сварка, невядомы накінуўся на Бандарэнку. Мужчыну панеслі ў мікрааўтобус. Тым жа вечарам у несвядомым стане яго з РУУС даставілі ў Бальніцу хуткай медыцынскай дапамогі. Бандарэнку зрабілі аперацыю, але выратаваць яго не ўдалося.
13 лістапада ў храмах Мінска пройдуць паніхіды па загінулым. А сябра прэзідыўма Каардынацыйнай рады Павел Латушка заклікаў зладзіць у Беларусі хвіліну маўчання ў памяць па Раману Бандарэнку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.