Ва Украіне засталося толькі адно прадпрыемства з беларускім акцыянерам
Льнозавод / Ілюстрацыйнае фота sb.by
Ва Украіне засталося толькі адно прадпрыемства з беларускім акцыянерам, іншыя арыштаваныя або спынілі дзейнасць, паведамляе Радыё Свабода. Гэта Казялецкі льнозавод у Чарнігаўскай вобласці, які існуе з 1972-га, а ў 1996 годзе быў прыватызаваны.
Як вынікае з Адзінага дзяржаўнага рэестру акцыянераў Украіны, гэтае прадпрыемства мае форму прыватнага акцыянернага таварыства. 22,5% акцый належыць беларускаму прыватнаму вытворчаму ўнітарнаму прадпрыемству "ІСТПС", 59,8% — грамадзяніну КНР Чжу Хаоцяню, рэшта — фізічным асобам.
Чжу Хаоцянь выкупіў акцыі Казялецкага льнозавода ў 2021 годзе ў расіян. Ён жыве ў Беларусі і з'яўляецца ўласнікам згаданага прадпрыемства "ІСТПС". Яно не звязана з лёгкай прамысловасцю, а займаецца вытворчасцю цеплаізаляцыйных пліт з пенастырола.
Пасля 24 лютага 2022-га ва Украіне арыштоўваюць не толькі расійскую маёмасць, але і беларускую.
