У беларускіх паліклініках працягваюць вакцынаваць "Эўпентай"

Але выявілася, што гэта не свавольства віцебскіх дактароў. Як патлумачылі Еўрарадыё ў Міністэрстве аховы здароўя: "Вакцына" Эупента ", акрамя адной серыі, ня канфіскоўвалася з паліклінік. Вакцынацыя ёй не спынялася". Вакцынай прышчапляюць дзяцей і ў мінскіх паліклініках, да якіх датэлефанавалася Еўрарадыё.

Напрыклад, у мінскай паліклініцы №10 праводзяць бясплатную вакцынацыю "Эўпентай". Што праўда, ёсць выбар: калі нехта з бацькоў лічыць прэпарат небяспечным, за 75 рублёў можна вакцынаваць дзіця бельгійскай прышчэпкай “Інфанрыксгекса” або “Інфанрыкс”.

Інфармацыю пра вакцынацыю "Эўпентай" Еўрарадыё пацвердзілі і ў Бараўлянскай паліклініцы, якая знаходзіцца ў Мінскім раёне.

13 жніўня ў Ганцавіцкай бальніцы пасля планавых прышчэпак памёр двухмесячны хлопчык. Яму ўвялі два прэпараты: "Эўпента" і "Імавакс Поліа". Пасля ўколу хлопчыку стала кепска, медыкі не змаглі яго выратаваць.