З Беларусі дэпартавалі амаль 1500 замежнікаў
За 2014 год. З гэтай колькасці 528 чалавек выслалі ў прымусовым парадку.
Сёлета ў нашай краіне ў адносінах больш за 1600 замежных грамадзян былі прынятыя рашэнні аб ануляванні дазволаў на сталае жыхарства. Яшчэ амаль 2500 замежнікам анулявалі дазволы на часовае пражыванне ў Беларусі. Прычынамі называюцца асуджэнне за здзейсненыя злачынствы, неаднаразовае прыцягненне да адміністрацыйнай адказнасці, парушэнне заканадаўства аб прававым становішчы замежных грамадзян і асоб без грамадзянства, інфармуе "Интерфакс-Запад".
Дарэчы, беларускія праваахоўнікі адзначаюць, што ў бягучым годзе была зафіксаваная тэндэнцыя зніжэння зарэгістраваных злачынстваў, якія здзяйсняюць замежнікі.
Фота — bymedia.net
