З Гродна да Варшавы могуць пусціць новы цягнік
Ён дазволіць дабрацца да польскай сталіцы без перасадак.
Новы наўпроставы цягнік Гродна — Беласток — Варшава плануюць арганізаваць сёлета ў снежні. Мяркуецца, што ў гэтым кірунку будзе курсіраваць электрычка, якая даставіць пасажыраў да польскай сталіцы без перасадак.
Па якім менавіта маршруце яна пойдзе і колькі будуць каштаваць квіткі на новы цягнік, пакуль невядома. На сёння квіток да Беластока каштуе прыкладна 7 еўра (каля 125 тысяч рублёў), паведамляе “Вечерний Гродно”.
Фота з архіву
