З Расіі спрабавалі выдварыць грамадзяніна Беларусі з ВІЧ-інфекцыяй
Бранск / AFP
З Расіі спрабавалі выдварыць грамадзяніна Беларусі з ВІЧ-інфекцыяй. Аднак Бранскі абласны суд адмяніў рашэнне мясцовага ўпраўлення Расспажыўнагляду, якое заявіла пра непажаданасць яго знаходжання ў РФ, паведамляе Радыё Свабода.
Суд разглядаў адміністрацыйную справу пасля звароту беларуса, які папрасіў адмяніць рашэнне аб выдварэнні. Ён улічыў тую акалічнасць, што ў Бранскай вобласьці жыве маці мужчыны, а сам ён на сталай аснове атрымлівае лячэнне ў Беларусі.
Расспажыўнагляд не пагадзіўся і абскардзіў рашэнне ў судзе. Але судовая калегія Бранскага абласнога суда пагадзілася з высновамі суда першай інстанцыі. Больш за тое, суд вырашыў, што "рашэнне аб непажаданасці знаходжання ўяўляе сабой сурʼёзнае ўмяшанне ў сферу асабістага і сямейнага жыцця і не з'яўляецца апраўданай мерай, сувымернай мэце, якая пераследуецца".
