За падабайку пад інтэрв'ю Жырыноўскага на 10 сутак арыштавалі навапалачаніна
Уладзімір Жырыноўскі / ria.ru
10 сутак арышту прысудзілі жыхару Наваполацка Валерыю Максіменку за "распаўсюд экстрэмісцкіх матэрыялаў". Прысуд вынесла сумна вядомая суддзя Зінаіда Балаболава 12 лютага, піша тг-канал "Віцебск, я гуляю".
Сілавікі знайшлі на старонцы Максіменкі ў "Аднакласніках" падпіску на "Хартыю-97". А сярод упадабаных ролікаў у яго было старое інтэрв'ю расійскага палітыка Уладзіміра Жырыноўскага тэлеканалу "Белсат". Інтэр'вю было дадзенае больш як 10 гадоў таму, але ў пастанове суда яно названае дэструктыўным.
