Замест "Зялёнай карты" ў Беларусі і Расіі стала дзейнічаць "Сіняя"
Аўтамабілістам выдадуць "сінюю карту" замест "зялёнай" / Еўрарадыё, ілюстрацыйнае фота / Еўрарадыё
У Беларусі і Расіі пачалі дзейнічаць аўтастрахоўкі "Сіняя карта". Як удакладняе Расійскі Саюз аўтастрахоўшчыкаў, пагадненне з беларускім бюро па транспартным страхаванні пачало дзейнічаць у поўным аб'ёме з 2 верасня.
Беларусы і расіяне страцілі магчымасць афармляць міжнародныя полісы "Зялёная карта" з 30 чэрвеня 2023 года, бо сяброўства краін у адпаведным пагадненні было прыпыненае. Часова, да 1 студзеня 2024 года, пры заключэнні дамовы "Сіняй карты" аўтаўладальнікам будуць выдаваць бланкі "Зялёнай карты", а пазней з'явяцца новыя дакументы.
Асноўнай валютай разліку, паводле новых правілаў, будзе нацыянальная валюта краіны, у якой адбылося ДТЗ.
