Запарожская АЭС захоплена расійскімі вайскоўцамі
![Запарожская АЭС захоплена расійскімі вайскоўцамі](/sites/default/files/styles/gallery_main/public/2023-08/1611831935-8186.jpg.webp?itok=Upga8VDJ)
4 сакавіка Запарожская АЭС у Энергадары захоплена расійскімі вайскоўцамі. Пра гэта паведамляе Запарожская абласная вайсковая адміністрацыя са спасылкай на Дзяржаўную інспекцыю ядзернага рэгулявання Украіны. Расіяне кантралююць адміністрацыйны корпус і прахадную. Адзначаецца, што персанал станцыі "ажыццяўляе кантроль за станам энергаблокаў і забяспечвае іх бяспечную эксплуатацыю".
Атамная станцыя ў Энергадары — другая, якую захапілі расіяне. Першая — Чарнобыльская АЭС.
Уначы на Запарожскай АЭС ішоў бой паміж украінскімі нацгвардзейцамі і расійскімі вайскоўцамі. Асноўнае абсталяванне станцыі не было пашкоджана, радыяцыйны фон у норме.
Сярод украінскіх абаронцаў АЭС ёсць загінулыя і параненыя.
![Запарожская АЭС захоплена расійскімі вайскоўцамі](/sites/default/files/paragraphs/image/1464168162-2805unian.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.