Заснаваны беларусам інвестыцыйны фонд сабраў 23 млн долараў
Ігар Маханёк / Еўрарадыё
Заснаваны беларусам Ігарам Маханьком інвестыцыйны фонд Geek Ventures сабраў 23 млн долараў. IT-прадпрымальнік плануе інвеставаць у стартапы мігрантаў, якія пераязджаюць у ЗША, піша techcrunch.com.
"Таленты размяркоўваюцца пароўну, а магчымасці — не, — кажа Маханёк. — Я хачу стварыць больш магчымасцяў для дзіўных талентаў, якія праяўляюцца па ўсім свеце".
Сярод тых, хто падтрымаў працу фонду — беларусы Мікіта Мікада і Сяргей Барысюк, сузаснавальнікі PandaDoc.
Ігар Маханёк шмат разоў быў у эфіры Еўрарадыё, у тым ліку госцем праграмаў "Стартапніца" і "Ідэя Х".
