Жаночая гандбольная зборная Беларусі разграміла зборную Турцыі
Жаночая гандбольная зборная Беларусі разграміла зборную Турцыі — 37:23 (17:10). Гэта быў стартавы матч хатняй кваліфікацыі чэмпіянату свету 2017 года. Ён прайшоў 2 снежня на пляцоўцы сталічнага палаца спорту "Уручча". Сёння адбудзецца матч паміж камандамі Швейцарыі і Косава.
У суботу, 3 снежня, беларускі сустрэнуцца са зборнай Швейцарыі, пачатак а 15-й гадзіне. На 4 снежня прызначаны паядынак са зборнай Косава. Для выхаду ў плэй-оф нашай зборнай трэба заняць адно з двух першых месцаў групы.
