У эфіры Еўрарадыё праваабаронцы разважаюць пра дзіўныя затрыманні да Дня Волі

У Дзень Волі затрыманні праходзілі і ў правінцыі — так улады перашкаджалі тым, хто хацеў паехаць на святочны канцэрт у Мінск. На сталічнай плошчы Якуба Коласа АМАП і людзі ў цывільным пахапалі ўдзельнікаў несанкцыянаванага шэсця і назіральнікаў ад праваабарончых арганізацый. У іх лік трапіла Наста Лойка — яе кінулі ў аўтазак, завезлі ў РУУС і некалькі гадзінаў пратрымалі на вуліцы, тварам да сцяны. А ў раёне Опернага тэатра пасля канцэрта затрымлівалі мінакоў з бела-чырвона-белымі сцягамі.

У чым логіка такіх паводзінаў уладаў? Ці можна арыштаваць чалавека на 10 сутак — а выпусціць праз 10 гадзінаў, так бы мовіць, пакінуўшы на кручку? Абмяркоўваем гэта з праваабаронцамі Настай Лойка і Валянцінам Стэфановічам.