24 лістапада ў Варшаве адбудзецца акустычны канцэрт Лявона Вольскага
Лявон Вольскі / facebook.com/LavonVolski
24 лістапада ў Варшаве адбудзецца акустычны канцэрт Лявона Вольскага і Паўла Трыпуця. Музыкі выступяць у варшаўскім кінатэатры “Ілюзіён” (ul. Narbutta, 50A, metro Pole Mokotowskie), у межах адкрыцця фэстывалю беларускіх фільмаў Bulbamovie.
Канцэрт пачнецца а 21-й гадзіне. Прагучаць вядомыя хіты — “Паветраны шар”, “Маё каханне”, “Палон”, а таксама некаторыя песні з найноўшага праекта “Эмігранты”.
"Хто хацеў пабачыцца ў Варшаве? Прыходзьце заўтра 24 лістапада на адкрыццё фэстывалю", — піша Вольскі.
А 19-й гадзіне ў "Ілюзіёне" будзе прагляд фільмы “Развітанне” рэжысёра Якуба Станкевіча. Запланаваная дыскусія пасля яго. А ўжо далей — згаданы канцэрт.
