Ад "Расія не вораг ІДІЛ" да "казахі наступныя". Што там у прапагандыстаў — квіз

У Арэнбургскай вобласці Расіі — сапраўдная катастрофа: з разбуранай дамбы плешча вада, заліваючы сельскія домікі па самыя дахі. Але расійскія дзяржмедыя надаюць трагедыі не надта шмат увагі. Яны працягваюць рабіць упор на пошукі "ўкраінскага следу" ў тэракце ў "Крокусе". І, па традыцыі, прыдумляюць небыліцы пра палітычных супернікаў.

Іх беларускія калегі рухаюцца ў адваротным кірунку. Цяпер яны змагаюцца не толькі са Святланай Ціханоўскай і Паўлам Латушкам, але і з тыктокамі пра забруджванне рэк. Таму што ніякага забруджвання няма і адказваць за яго ніхто не будзе, нават калі вы бачыце перад сабой велізарную масленую пляму.

Што там у прапагандыстаў? Практыкуемся ў развіцці крытычнага мыслення разам з традыцыйным квізам Еўрарадыё.